| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.263 | Dem. 18.267 (English) | >>Dem. 18.270 |
18.265ἐξέτασον τοίνυν παρʼ ἄλληλα τὰ σοὶ κἀμοὶ βεβιωμένα , πράως , μὴ πικρῶς , Αἰσχίνη · εἶτʼ ἐρώτησον τουτουσὶ τὴν ποτέρου τύχην ἂν ἕλοιθʼ ἕκαστος αὐτῶν . ἐδίδασκες γράμματα , ἐγὼ δʼ ἐφοίτων . ἐτέλεις , ἐγὼ δʼ ἐτελούμην . ἐγραμμάτευες , ἐγὼ δʼ ἠκκλησίαζον . ἐτριταγωνίστεις , ἐγὼ δʼ ἐθεώρουν . ἐξέπιπτες , ἐγὼ δʼ ἐσύριττον . ὑπὲρ τῶν ἐχθρῶν πεπολίτευσαι πάντα , ἐγὼ δʼ ὑπὲρ τῆς πατρίδος .
18.266ἐῶ τἄλλα , ἀλλὰ νυνὶ τήμερον ἐγὼ μὲν ὑπὲρ τοῦ στεφανωθῆναι δοκιμάζομαι , τὸ δὲ μηδʼ ὁτιοῦν ἀδικεῖν ἀνωμολόγημαι , σοὶ δὲ συκοφάντῃ μὲν εἶναι δοκεῖν ὑπάρχει , κινδυνεύεις δʼ εἴτε δεῖ σʼ ἔτι τοῦτο ποιεῖν , εἴτʼ ἤδη πεπαῦσθαι μὴ μεταλαβόντα τὸ πέμπτον μέρος τῶν ψήφων . ἀγαθῇ γʼ , οὐχ ὁρᾷς ; τύχῃ συμβεβιωκὼς τῆς ἐμῆς κατηγορεῖς .
φέρε δὴ καὶ τὰς τῶν λῃτουργιῶν μαρτυρίας ὧν λελῃτούργηκα ὑμῖν ἀναγνῶ . παρʼ ἃς παρανάγνωθι καὶ σύ μοι τὰς ῥήσεις ἃς ἐλυμαίνου ,καὶ καὶ μάλιστα μὲν οἱ θεοί , ἔπειθʼ οὗτοι πάντες ἀπολέσειαν , πονηρὸν ὄντα καὶ πολίτην καὶ τριταγωνιστήν .
ἐν μὲν τοίνυν τοῖς πρὸς τὴν πόλιν τοιοῦτος · ἐν δὲ τοῖς ἰδίοις εἰ μὴ πάντες ἴσθʼ ὅτι κοινὸς καὶ φιλάνθρωπος καὶ τοῖς δεομένοις ἐπαρκῶν , σιωπῶ καὶ οὐδὲν ἂν εἴποιμι οὐδὲ παρασχοίμην περὶ τούτων οὐδεμίαν μαρτυρίαν , οὔτʼ εἴ τινας ἐκ τῶν πολεμίων ἐλυσάμην , οὔτʼ εἴ τισιν θυγατέρας συνεξέδωκα , οὔτε τῶν τοιούτων οὐδέν .
18.267
Eur. Hec. 1ἥκω νεκρῶν κευθμῶνα καὶ σκότου πύλας
Unknownκακαγγελεῖν μὲν ἴσθι μὴ θέλοντά με ,
Unknownκακὸν κακῶς σε
Μαρτυρίαι
18.268
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.263 | Dem. 18.267 (English) | >>Dem. 18.270 |
